1928 වසරේ ජුනි 14 වැනි දින ආර්ජන්ටිනාවේ රොසාරියෝ නගරයේදී එනෙස්‌ටෝ චේගුවේරා සහ සිලියා දි ලා සෙර්නාගේ කැදැල්ලට ආලෝකය එකතු කරමින් අර්නෙස්ටෝ චේගුවේරා නම් අසම සම විප්ලවවාදියා මෙලොවට ජනිත විය. කුඩා කල සිට වැළඳුන ඇදුම රෝගයෙන් බාලේ පටන්ම පීඩා විඳි චේ , රෝගය තමන්ගේ ජව සම්පන්න ගමන වෙනුවෙන් කිසිදු බාධාවක්‌ නොකරගත් මිනිසෙකි.
තරුණ වියට පත් චේ චේ ධනවාදයේ සැබෑ මුහුණුවර සහ භීෂණය පිළිබඳව වැටහීමක්‌ ලබා ගන්නට සමත් වූයේ ආර්ජන්ටිනාවේ යුද හමුදා පාලනයක් ජුවාන් පෙරෝන් ගේ භීම සමයේ ලද අද්දැකීම් හා ඇමෙරිකානු යටත් විජිත පසුබිම ඇසුරිනි. චේගේ පියා නාසි විරෝධී පවුලක සාමාජිකයකු වූ අතර ව්‍යාපාරිකයෙකු ලෙස ප්‍රකට වුවද ප්‍රගතිශීලී අදහස් වලින් පිරිපුන් දේශපාලන ක්‍රියාකාරිකයෙකු විය.
තරුණ වියට පත් චේ චේ ධනවාදයේ සැබෑ මුහුණුවර සහ භීෂණය පිළිබඳව වැටහීමක්‌ ලබා ගන්නට සමත් වූයේ ආර්ජන්ටිනාවේ යුද හමුදා පාලනයක් ජුවාන් පෙරෝන් ගේ භීම සමයේ ලද අද්දැකීම් හා ඇමෙරිකානු යටත් විජිත පසුබිම ඇසුරිනි. චේගේ පියා නාසි විරෝධී පවුලක සාමාජිකයකු වූ අතර ව්‍යාපාරිකයෙකු ලෙස ප්‍රකට වුවද ප්‍රගතිශීලී අදහස් වලින් පිරිපුන් දේශපාලන ක්‍රියාකාරිකයෙකු විය.
පවුලේ දේශපාලන ආභාෂය තුලින් චේගුවේරා චාල්ස්‌ ඩිගෝල්ගේ නිදහස් ප්‍රංශ බළකායේ සාමාජිකත්වය ලබන විට වයස අවුරුදු 11 කි. ඔහුගේ මව මෙම සංවිධානය වෙනුවෙන් ආධාර එක්‌රැස්‌ කිරීමේ නිරත වූවාය. සමාජ අසාධාරණය ඉදිරියේ නොපැකිලිව අදහස් දැක්වීමට ගුවේරා පවුල නිර්භයව ඉදිරියට පැමිණියේය.
දීර්ග ලතින් ඇමෙරිකානු ගවේෂණ චාරිකා ඔස්සේ ජනතාව විඳි දුක් ගැහැට, පීඩාවන් සිය අද්දැකීම් කරගනිමින් ඔහුගේ විප්ලවීය ගමනාන්තය කියුබානු අරගලයේ ජයග්‍රහණයෙන් එක් කඩ ඉමක් පසු කිරීමට සමත් විය. කියුබානු මහා බැංකුවේ අධිපති වශයෙන්ද , කර්මාන්ත ඇමෙති වශයෙන්ද සිය යුතුකම් කොටස ඉටුකරමින් අනතුරුව ඔහු කොංගෝවේ විප්ලවය වෙනුවෙන් සිය සටන් සගයින් සමග නික්ම ගියේය. නැවතත් කියුබාවට පැමිණි ඔහු සියලු තනතුරු හා කියුබානු පුරවැසි භාවයද නැවත පුද කරමින් වචනයේ පරිසමාප්ත අර්ථයෙන්ම ජාත්‍යන්තර විප්ලවවාදියෙක් වෙමින් බොලිවියාවට නික්ම ගියේ තීරණාත්මක සටනකට මුල පිරීමටය. ලතින් ඇමෙරිකානු කලාපයේ මධ්‍යස්තයේ පිහිටි බොලිවියාව තුල විප්ලවය සාර්ථක කර ගනිමින් මුළු මහත් ලතින් ඇමෙරිකානු කලාපයම සමාජවාදයේ සුවඳින් ඔපවත් කිරීමට ඔහුට සොඳුරු සිහිනයක් තිබුණි.
ඔහු දරුවන්ට අසීමිතව පෙම් කල පියෙකු විය. එමෙන්ම අතිශය කාර්ය බහුල දිවියක වුවද සියලුම දරුවන්ට කන්දීමට ඔහුට වුවමනා තරම් කාලයද තිබුණි. ඝන කැලෑවේ ගරිල්ලා සටන් මෙහෙයවන ඔහුට දරුවන් වෙනුවෙන් කථාන්දර කියා දීමට අවස්‌ථාවක්‌ නොමැති වුණත් ලියන ලද කතාන්දර සහ අඳින ලද චිත්‍ර තැපෑලෙන් එවන ලද බව ඔහුගේ දියණිය ඇලෙයිඩා පසු කාලයක කියා තිබුණි.
"රමොන්" නමින් වෛද්‍යවරයකු ලෙස බොලිවියාවට ඇතුළුව ගරිල්ලා සටන් ආරම්භ කරන ලදී. 1967 වසරේ ඔක්තෝබර් 8 වැනි දින චේ මෙහෙය වූ ගරිල්ලා සටනේ උච්චතම අවස්ථාවට එළඹිණි. යුරෝ දුර්ගයේදී ඔහු ගේ ගරිල්ලා කණ්‌ඩායම ඇමෙරිකානු ආධාර යටතේ ක්‍රියාත්මක වූ බොලිවියානු හමුදාව සමග සටන් වදින්නට විය. අවාසනාවන්ත වෙඩි උණ්‌ඩය නිසා චේට බොලිවියානු හමුදාවට යටත් වෙන්නට සිදුවිය. ඔහු රැගෙන ගොස්‌ බොලිවියාවේ ලා හිගුවේරා නම් අබලන් පාසල් ගොඩනැඟිල්ලේ රඳවා පසු දින එනම් ඔක්තෝබර් නව වැනි දින ඔහු සමස්ත පීඩිත ජනයා වෙනුවෙන් ගෙන ගිය නිදහස් අරගලයෙන් පරාජය කොට වෙඩි තබා මරා දමනු ලැබීය. ඔහු ලෝක විප්ලවීය අරගලයෙන් පැහැර ගත්තද ඔහු නැගු කාහල නාදය ඉතිහාසය ලියවෙන තුරු රන් අකුරින් සටහන් වනු ඇත.
- චූලක බණ්ඩාරවත්ත -
No comments:
Post a Comment